• para compartires e descargares!

    Termos esenciais de dereito penal



    Os Termos esenciais de dereito penal pretenden recoller a terminoloxía básica deste ámbito do dereito, dándolle así continuidade á colección de glosarios especializados que se puxo en marcha na primavera deste ano cos Termos esenciais de dereito constitucional.

    Autoría: Miguel Abel Souto, Xusto A. Rodríguez Río
    Entidade: Servizo de Normalización Lingüística da USC
    Ano: 2011
    ISBN: 978-84-9887-872-3
    Páxinas: 96

    Descárgao aquí

    Fonte da descarga: SNL da USC

    Introdución

    Os Termos esenciais de dereito penal pretenden recoller a terminoloxía básica deste ámbito do dereito, dándolle así continuidade á colección de glosarios especializados que se puxo en marcha na primavera deste ano cos Termos esenciais de dereito constitucional.

    Esta iniciativa xorde no marco do «Plan para aumentar e mellorar o uso da lingua galega na Facultade de Dereito», un ambicioso programa que contén 42 medidas, artelladas en 8 programas, aprobado a proposta da Comisión de Normalización Lingüística desa Facultade da Universidade de Santiago de Compostela. Dentro do mencionado Plan, a colección de glosarios ten como obxectivo divulgar entre o estudantado e o profesorado a terminoloxía esencial das distintas materias impartidas no centro, para potenciar o emprego da lingua galega, tanto na docencia e investigación como na transferencia e divulgación do coñecemento.

    O volume que agora tes nas túas mans toma o Código penal —e especialmente as modificacións introducidas na reforma do 22 de xuño de 2010— como a fonte principal dos conceptos xurídicos que despois se presentan en versión bilingüe. Así por exemplo, recolléronse literalmente as novas figuras delituosas incorporadas a ese texto legal, o que explica a existencia de denominacións que poden parecer longas para o que é habitual nun glosario terminolóxico. E foi tamén o afán por respectar as rúbricas literais do Texto punitivo, e os usos máis habituais no ámbito do dereito penal, o que xustifica que determinadas entradas se presenten en plural.

    0 comentarios:

    Enviar um comentário

     

    Sobre min

    Ola! Aínda que pareza mentira, esta cousa se lle ocorreu a alguén e ese alguén fun eu, o @echeoqhai de Twitter, aínda que na casa me coñecen por Iván.

    Serei breve: son licenciado en Filoloxía Galega, traballei no SNL e na OSL da UDC, e tamén no SNL de Cerceda. Agora ando enredado na internet.

    Na vida pública son aprendiz de gaiteiro de @osvicentes, secretario dos Curriolos, vogal e de Tempo Novo e xogador dos @Fillosdebreogan.

    Cando teño tempo actualizo este blog e, con menos frecuencia, un outro que tenta ser serio e outro máis que non o é.

    Como comprenderás con esta actividade, son solteiro sen cargas familiares :P